luns, 13 de novembro de 2017

ROTEIRO "FERROL REBELDE"

"Ferrol Rebelde" é unha actividade organizada pola concellalía de Participación Cidadá do Concello de Ferrol. Un roteiro por aqueles sitios emblemáticos da historia obreira da cidade e de Galiza dos últimos 100 anos. Os pasados días 23 e 24 de outubro, o alumnado do IES Canido e IES Ferrol Vello realizaron esta actividade, xunto con Olga, a nosa historiadora particular, que ilustrou coma ninguén cada unha das paradas coas súas amenas e rigorosas exposicións.


A nosa cidade é berce dunha longa estirpe de rebeldes que fixeron de Ferrol un referente da dignidade proletaria. O obxectivo é divulgar a historia do pobo traballador, das mulleres e dos homes que loitaron pola conquista dos dereitos democráticos: Amalia Fraguela, Pablo Iglesias (na foto o monumento), Francisco Fernández García-"Pedrosa", o Centro Obreiro de Cultura, Moncho Reboiras, Amador Rey e Daniel Niebla,...


  • NON ESQUEZAMOS ás persoas que loitaron polo que agora vemos con normalidade e sigamos traballando por mellorar: os dereitos dos traballadores e traballadoras, a democracia, a nosa cultura...
  • LOITEMOS por manter todo aquelo polo que tantas persoas perderon a vida, e facerlles xusta homenaxe transmitindo aos nosos fillos e fillas todos estes valores.





mércores, 8 de novembro de 2017

CENTROS DE FORMACIÓN


E coa presentación nos Centros de Formación o día 4 de outubro, rematamos un roteiro que formará parte das vosas vidas ao longo deste curso.

Será nos Centros de Formación onde vos formaredes nun oficio, o que vos permitirá poder acceder a un posto de traballo no mes de xuño (ou antes!!!!)





AGORA DEPENDE DE VÓS QUE TODOS ESTES OBXECTIVOS SE CUMPLAN

MOITO ÁNIMO E MOITA SORTE A TODAS E TODOS!!!!

FORMACIÓN NOS INSTITUTOS


O día 2 do pasado mes de outubro, comezamos a andaina nos respectivos institutos.

Alí recibíronvos os vosos profesores e profesoras, e coñecestes as instalacións que os centros poñen ao voso dispor para o desenvolvemento do curso

ACTO DE INAUGURACIÓN E SINATURA DE CONVENIOS

O pasado día 25 de setembro celebramos a inauguración do curso 2017-2018 cun sinxelo acto no Centro Cultural Carvalho Calero, en Ferrol.

Neste mesmo acto, os Institutos de Educación Secundaria (IES) participantes asinaron un convenio de colaboración coas empresas de formación:
IES Canido                      Gestión Plus
IES de Catabois               Alcampo
                                         Limbes
IES Ferrol Vello               Froiz
IES Fernando Esquío       Rilo